А што вы ведаеце пра бяспеку?

У Браслаўскім раёне завяршаецца другі этап рэспубліканскай акцыі «З клопатам пра бяспеку малой Радзімы», і на гэты раз работнікі Браслаўскага раённага аддзела па надзвычайных сітуацыях адправіліся па маршруце аўтамагазіна, каб сустрэцца з жыхарамі вёсак і нагадаць ім пра правілы пажарнай бяспекі.

Нягледзячы на вятраную пагоду, наведвальнікаў магазіна на колах было нямала. У размове з імі ратавальнікі акцэнтавалі ўвагу на бліжэйшым ацяпляльным сезоне і яшчэ раз нагадаюць пра выкананне правілаў эксплуатацыі ацяпляльных прыбораў.

Асобная ўвага работнікаў МНС была нададзена наяўнасці ў дамах грамадзян аўтаномных пажарных сігналізатараў, нагадваючы пра тое, што толькі справны АПС можа ўратаваць жыхароў дома ад агнявой бяды. Нагадаюць ратавальнікі і пра правілы наведвання лесу.

У размове з наведвальнікамі аўтамагазіна ратавальнікі таксама прыводзілі прыклады апошніх надзвычайных сітуацый, якія адбыліся на тэрыторыі раёна і вобласці, нагадвалі грамадзянам пра недапушчальнасць курэння ў жылых памяшканнях і яшчэ раз падкрэслілі залатое правіла – любую бяду прасцей пазбегнуць, чым потым разбірацца з яе наступствамі!