Абітурыенту – як стаць ратавальнікам?

Для цяперашніх старшакласнікаў застаецца зусім мала часу, каб вызначыцца з выбарам будучага шляху. Пра тое, дзе можна атрымаць прафесію, звязаную з забеспячэннем бяспекі і ратаваннем людзей, расказалі ў Браслаўскім раённым аддзеле па ЧС.

Тых, хто вырашыў звязаць жыццё з прафесіяй ратавальніка, запрашае Універсітэт грамадзянскай абароны (УГЗ) Міністэрства па надзвычайных сітуацыях Рэспублікі Беларусь у Мінску.

Універсітэт ажыццяўляе падрыхтоўку па спецыяльнасці «Папярэджанне і ліквідацыя надзвычайных сітуацый» (толькі юнакі) і па спецыяльнасці «Пажарная і прамысловая бяспека» (юнакі і дзяўчаты). Срок навучання 4 гады. Для паступлення неабходны сертыфікаты ЦТ па матэматыцы, фізіцы, беларускай мове. Да паступлення ўсе кандыдаты ў абавязковым парадку праходзяць прафесійны адбор, які ўключае: правядзенне спецыяльных праверак, вывучэнне маральных і дзелавых якасцяў, медыцынскае асвядчэнне ваенна-лікарскай камісіяй, вызначэнне ўзроўню фізічнай падрыхтоўкі кандыдатаў.

Перавага навучання ў УГЗ МНС у тым, што ўсе курсанты забяспечваюцца месцамі для пражывання, харчаваннем, форменным абмундзіраваннем, дзяржаўным страхаваннем і медыцынскім абслугоўваннем, а таксама грашовым утрыманнем (ад 400 рублёў штомесяц). Падчас вучобы курсанты маюць магчымасць навучыцца практычнаму вождству і атрымаць вадзіцельскае пасведчанне катэгорыі «В». Выпускніку прысвойваецца афіцэрскае званне «лейтэнант унутранай службы» і гарантуецца працаўладкаванне. Выпускнікі, як правіла, размеркаваны па месцы жыхарства або ў найбліжэйшыя падраздзяленні.
Абітурыенты, якія не прайшлі па конкурсе за кошт бюджету, могуць прыняць удзел у конкурсе на дзённую форму навучання на ўмовах аплаты.

Для тых, хто не паступіў у УГЗ, добрым выбарам будзе паступленне ў Полацкі дзяржаўны хіміка-тэхналагічны каледж на спецыяльнасць «Папярэджанне і ліквідацыя надзвычайных сітуацый», са срокам навучання на дзённым аддзяленні на бюджэтнай аснове – 2 гады і 7 месяцаў. У каледж прымаюцца юнакі ад 17 да 25 гадоў, якія маюць атэстат аб агульнай сярэдняй адукацыі. Усім патрэбным прадастаўляецца інтэрнат.

Выпускнікі каледжа атрымліваюць рабочую прафесію «ратавальнік-пажарны» і працаўладкоўваюцца ў органы і падраздзяленні па надзвычайных сітуацыях на пасады радавога і малодшага начальніцкага складу. Па заканчэнні каледжа выпускнікі маюць права паступаць у УГЗ на скарачоную завочную форму навучання (срок навучання 3 гады).

Таксама ёсць цудоўная магчымасць для дзяцей, якія скончылі 6 клас, паступіць у «Спецыялізаваны Ліцэй пры Універсітэце Грамадзянскай абароны МНС Рэспублікі Беларусь».

Учащийся Ліцэя знаходзіцца на поўным дзяржаўным забеспячэнні (абмундзіраванне, 5-разовае харчаванне, пражыванне, медыцынскае абслугоўванне).
Выпускнікі Ліцэя (на апошнім годзе навучання) пры наяўнасці ўсіх ацэнак у атэстате 7 балаў і вышэй маюць права паступаць у ВНУ сілавых структур без здачы ЦТ.

Для фармавання вучэбнага справы на паступленне Вам неабходна звярнуцца ў Браслаўскі раённы аддзел па надзвычайных сітуацыях, дзе Вам адкажуць на ўсе цікавыя пытанні. Тел. +375-33-675-12-98