Бяспека ў зімовы перыяд
Дзіцячы траўматызм і гібель дзяцей зімой – гэта вельмі сур'ёзнае пытанне, якому варта надаць значную ўвагу. Невыкананне правілаў бяспекі на водных аб'ектах у зімовы перыяд штогод становіцца прычынай гібелі і траўматызму людзей, часцей за ўсё сярод загінулых аказваюцца дзеці. Зімовая пагода нестабільная, непрацяглыя маразы часта змяняюцца адцягам.
Зімой вадаёмы вельмі небяспечныя, асабліва там, дзе ёсць цячэнне, і таўшчыня лёду ў многіх месцах яшчэ не здольная вытрымаць не толькі вагу дарослага чалавека, але і дзіцяці. Тым не менш, гэта не спыняе аматараў зімовай рыбалкі і дзяцей, якім не цярпецца пакатацца на каньках або санках. Там, дзе людзі ігнаруюць меры бяспекі, адбываюцца трагедыі.
З надыходам маразоў водныя аб'екты пакрываюцца лёдам. Неабходна памятаць, што ні ў якім разе нельга правяраць трываласць лёду пры дапамозе скачкоў і ўдараў нагамі. Таўшчыня лёду нават на адным вадаёме не ўсюды аднолькавая. Таксама нельга выходзіць на лёд у цёмны час сутак у ўмовах абмежаванай бачнасці (туман, дождж, снегапад).
На каньках варта кататься толькі ў спецыяльна абсталяваных месцах або катках. Варто пазбягаць гульняў дзяцей на лёдзе замерзлага вадаёма. Схіл, які выбіраецца для спуску на санках або лыжах, абавязкова павінен быць далёка ад дарогі.
Катанне на тюбінгах карыстаецца папулярнасцю не толькі ў дзяцей. Часам нават дарослыя не ўпускаюць магчымасці пракаціцца з горкі. Аднак ігнараванне правілаў бяспекі пры выкарыстанні тюбінга пагражае не толькі сур'ёзнымі траўмамі, але і можа скончыцца гібеллю.
І дарослым, і дзецям падабаецца хуткасць, з якой можна скатіцца на тюбінгу з гары. Разам з тым менавіта гэта і з'яўляецца небяспечным недахопам: тюбінг практычна нельга спыніць, тармазіць і павярнуць; ён фактычна некіраваны. Катанне ў непрызначаных для гэтага месцах можа стаць прычынай траўмаў і калецтваў.
Помніце, што горкі і схілы для катання – гэта месцы павышанай небяспекі. Пры катанні з горкі неабходна прытрымлівацца простых правілаў: не з'яжджаць з гары, пакуль не адышоў у бок папярэдні спускаючыся; не затрымлівацца ўнізе, пасля таго як з'ехаў, а як мага хутчэй адыходзіць у бок.
Не менш актуальным пытаннем падчас зімовага перыяду застаецца выкананне правілаў дарожнага руху.
У мэтах недапушчэння няшчасных выпадкаў на дарозе неабходна забяспечыць адзенне, сумку або рюкзак святлоадбівальнымі элементамі; перамяшчацца толькі па тратуары (у выпадку адсутнасці – па абочыне) насустрач руху транспартных сродкаў; пераходзіць дарогу трэба ў месцах, абсталяваных святлафорамі і пешаходнымі пераходамі; перад перасячэннем дарогі неабходна ўпэўніцца ў адсутнасці рухомых транспартных сродкаў.
Выконванне элементарных правілаў бяспекі дапаможа пазбегнуць траўмаў у зімовы перыяд!
Заступнік пракурора
Браслаўскага раёна
Е.С.Ісакова