Браслаўскія школьнікі прывезлі з рэспубліканскага этапу прадметных алімпіядаў дыпломы II і III ступені.
Усяго ў фінале алімпійнага марафону прынялі ўдзел больш за паўтара тысячы вучняў школ, гімназій і ліцэяў – пераможцы абласных этапаў з усёй краіны. У склад каманды Віцебскай вобласці ўвайшлі тры прадстаўнікі Браслаўскага раёна: дзесяцікласнік Апсаўскай сярэдняй школы Сяргей Чэрвінскі, вучаніцы 10 і 9 класаў Браслаўскай СШ № 2 імя З. Е. Кожара Анна Шульговская і Меда Грыгас.
Згодна з рашэннем Міністэрства адукацыі, інтэлектуальныя выпрабаванні праходзілі ў розных рэгіёнах краіны. Так, Сяргей накіраваўся ў Жлобін, дзе дэманстравалі свае ўменні школьныя майстры працоўнага навучання. Меда адправілася ў Віцебск: менавіта ў паўночнай сталіцы вызначалі лепшых у валоданні замежнай мовай. Анне прыйшлося пераадолець самы доўгі шлях, бо аматары грамадскіх навук спаборнічалі ў Лідзе.
Браславчане не разгубіліся сярод супернікаў і вярнуліся дадому з двума высокімі ўзнагародамі. Так, дыпломам Міністэрства адукацыі Рэспублікі Беларусь II ступені адзначана Меда Грыгас (настаўнік англійскай мовы – Елена Рулевіч), дыпломам III ступені – Сяргей Чэрвінскі (настаўнік працоўнага навучання – Леанід Стрыноўіч). Нашы школьнікі даказалі, што годныя прадстаўляць Браслаўшчыну на рэспубліканскім узроўні і заваёўваць новыя вяршыні.
«Выдатны вынік! – адзначыла загадчыца вучэбна-метадычным кабінетам Святлана Кукьян. – Гэта вялікі падарунак для педагогаў і бацькоў. Ясна, у аснове поспеху – кропатлівая праца не аднаго года. Вельмі радуе, што нашы дзеці канкурэнтаздольныя на фоне вучняў гімназій і ліцэяў, што ўстановы адукацыі раёна забяспечваюць годны ўзровень ведаў»
Газета "Браслаўская звезда"
https://www.braslav-star.by/2026/04/06/браславскія-школьнікі-привезлі-с-рес/