Брэнд-пакет «У стыхіі няма сэрца»

У нашай краіне штогод фіксуюцца выпадкі гібелі і траўматызму дзяцей.

Часцяком вырашальным фактарам у ўзнікненні падобных здарэнняў з'яўляецца адсутнасць кантролю з боку дарослых. Каб яшчэ раз звярнуць увагу бацькоў на існуючую сацыяльную праблему, распрацаваны брэнд-пакет «У стыхіі няма сэрца», накіраваны на папярэджанне гібелі дзяцей на пажарах і вадаёмах.

Мэта брэнд-пакета:

прыцягнуць увагу бацькоў да праблемы дзіцячай гібелі
на пажарах і вадаёмах;
аказаць уплыў на фармаванне адказнага стаўлення бацькоў да бяспекі дзяцей.

Мэтавая аўдыторыя: грамадзяне Рэспублікі Беларусь, якія адносяцца да катэгорыі «бацькі».

Ідэя: многія бацькі недаацэньваюць або нават ігнаруюць рызыкі мноства патэнцыйна небяспечных сітуацый. У такім выпадку, каб дакладна дасягнуць самых абыякавых, трэба дзейнічаць нестандартна, выкарыстоўваючы максімальна прамую і яркую камунікацыю. Пры гэтым візуальная камунікацыя не павінна адштурхваць, а наадварот, прабіць сцену абыякавасці бацькоў і прымусіць задумацца пра бяспеку сваіх дзяцей. Такім чынам, узнікла ідэя паказаць праз зразумелыя для ўсіх сімвалы – дзіцячую цацку і сэрца, якія небяспекі чакаюць дзяцей пад уладай стыхіі (напрыклад, агню і вады), калі бацькі пакідаюць іх без нагляду. У распрацаванай візуальнай камунікацыі ролю дзіцяці бярэ на сябе плюшавы мішка, а сімвал жыцця ўвасабляе сэрца. Моцныя і надзейныя рукі ратавальніка сімвалізуюць выратаванне дзіцячага жыцця, папярэджваючы бацькоў пра беспечныя памылкі ў будучыні.

Вы чуеце, як б'ецца сэрца дзіцяці, якое трапіла ў бяду? Сэрца маці, што сціскаецца ад болю? Ці сэрца ратавальніка? А ці ёсць у стыхіі сэрца? Няма! Менавіта гэты сэнсавы пасыл хаваецца ў ёмкім слогане:

«У стыхіі няма сэрца». Гэта фраза ў поўнай меры паказвае магчымыя наступствы безадказнага стаўлення да бяспекі дзяцей.

Тэрмін правядзення кампаніі: ліпень 2024 года – жнівень 2025 года.