Рэдкія карціны і эскізы. Выставу "Рэпін і вучні" прэзентуюць у Мінску 19 чэрвеня
Урачыстая прэзентацыя выставы "Рэпін і вучні" адбудзецца ў Нацыянальным мастацкім музеі 19 чэрвеня, паведаміла генеральны дырэктар Нацыянальнага мастацкага музея Ганна Конанава ў час прэс-канферэнцыі "Беларус" Рэпіна ў Мінску. Аб прэзентацыі выставы "Рэпін і вучні" ў Нацыянальным мастацкім", якая праходзіць у Нацыянальным прэс-цэнтры, перадае карэспандэнт БЕЛТА.
"2024-ы з'яўляецца юбілейным годам для вядомага рускага мастака Ільі Рэпіна. Пятага жніўня па новым стылі яму споўнілася б 180 гадоў. У гонар гэтай знамянальнай даты музей сумесна з Віцебскім абласным краязнаўчым музеем падрыхтавалі маштабную выставу, якая з 18 красавіка экспануецца ў галоўным корпусе Нацыянальнага мастацкага музея. У ходзе гэтага праекта нам удалося ажыццявіць сумесную работу з Дзяржаўным Рускім музеем, які прадаставіў нам для экспанавання вельмі рэдкі твор - шэдэўр "Беларус" Ільі Рэпіна, што быў напісаны ў набытай ім сядзібе Здраўнёва ў Віцебскай вобласці. Гэты шэдэўр ні разу не экспанаваўся ў Беларусі. Сёння мы з'яўляемся сведкамі сапраўды гістарычнай падзеі", - сказала Ганна Конанава.
Намеснік генеральнага дырэктара Дзяржаўнага рускага музея Аляксандр Варанко заўважыў, што разам з карцінай "Беларус" у Мінск таксама прыбылі і іншыя ўнікальныя творы Рэпіна, якія вельмі рэдка паказваюцца на публіцы: партрэт юрыста і пісьменніка Аляксандра Жыркевіча, напісаны ў Здраўнёве, а таксама два эскізы рэлігійнай карціны "Ідзі за мной, Сатано", над першым варыянтам якой Ілья Яфімавіч працаваў менавіта ў здраўнёўскай майстэрні. Гэта карціна знаходзілася ў Харкаўскім мастацкім музеі і загінула ў гады Вялікай Айчыннай вайны. Атрымаць уяўленне пра яе сёння можна дзякуючы захаваным у Рускім музеі аднайменным эскізам, адзін з іх датаваны 1891 годам, а другі - 1895 годам.
"Мы разумеем, наколькі важны для Нацыянальнага мастацкага музея гэтыя творы, і нягледзячы на тое, што многія вядучыя музеі Расіі запытваюць у нас творы Рэпіна для сваіх выстаў, мы зрабілі ўсё магчымае, каб гэтыя карціны ў вельмі кароткі тэрмін аказаліся ў Мінску і сталі новымі дамінантамі маштабнай экспазіцыі "Рэпін і вучні". Мы вельмі рады, што нам удалося гэта зрабіць, і ўпэўнены, што наша супрацоўніцтва будзе ісці толькі па нарастаючай", - дадаў Аляксандр Варанко.
Акрамя таго, на выставе будуць прадстаўлены іншыя карціны і эцюды Рэпіна, іконы, рэдкія экзэмпляры кніг з ілюстрацыямі яго вучняў, прадстаўленыя Нацыянальнай бібліятэкай, творы вучняў: Валянціна Сярова, Барыса Кустодзіева, Івана Гарушкіна-Саракапудава, Піліпа Малявіна, Мікалая Фешына.
Прэзентацыя выставы пачнецца ў 17.00. Ганна Конанава падкрэсліла, што ўваход на прэзентацыю за паўгадзіны да пачатку і паўгадзіны пасля пачатку будзе свабодным. Выставачны праект таксама ўключаны ў склад фестывалю мастацтваў "Славянскі базар у Віцебску". Урачыстае адкрыццё праекта адбудзецца на Віцебскай зямлі ўжо 11 ліпеня.-0-
