Іванец падвёў папярэднія вынікі ўступнай кампаніі ў ВНУ
Міністр адукацыі Андрэй Іванец расказаў журналістам аб папярэдніх выніках уступнай кампаніі ў вышэйшыя навучальныя ўстановы, перадае карэспандэнт БЕЛТА.
"Мы бачым, што ў гэтым годзе па шэрагу спецыяльнасцей даволі высокія прахадныя балы, нягледзячы на тое, што агульная колькасць бюджэтных месцаў была павялічана практычна на 3 тыс., у першую чаргу на найбольш запатрабаваныя эканомікай спецыяльнасці - педагагічны, інжынерна-тэхнічны і медыцынскі профілі, - сказаў Андрэй Іванец. - Таксама хацеў бы адзначыць, што сёння мы, як і абяцалі, далі адпаведную адукацыйную траекторыю для юнакоў і дзяўчат - выпускнікоў каледжаў, якія змаглі паступіць на скарочаную форму атрымання адукацыі ў ВНУ, як на дзённую, але ў першую чаргу мы, вядома, арыентаваліся на завочную форму атрымання адукацыі".
Паводле слоў міністра, больш як 4,5 тыс. адораных, таленавітых юнакоў і дзяўчат паступілі ва ўніверсітэты без экзаменаў або па-за конкурсам.
"У гэтым годзе мы больш як на тысячу павялічылі набор мэтавікоў. Гэта таксама вельмі важны аспект, нягледзячы на тое, што даволі сур'ёзна былі ўзмоцнены патрабаванні да сярэдняга бала атэстата для юнакоў і дзяўчат, якія прэтэндавалі на атрыманне адукацыі ў мэтавай форме", - дапоўніў Андрэй Іванец.-0-
