Дан старт першаму этапу рэспубліканскай акцыі «Не пакідайце дзяцей адных».

У Браслаўскім раёне стартаваў першы этап рэспубліканскай акцыі «Не пакідайце дзяцей адных», прымеркаванай да Міжнароднага дня сям'і і Міжнароднага дня абароны дзяцей. Каб звярнуць увагу бацькоў на праблемы дзіцячай бяспекі, супрацоўнікі Браслаўскага раённага аддзела па надзвычайных сітуацыях правялі маштабнае мерапрыемства ў зоне адпачынку «Брукованка» ў горадзе Браславе.

Наведвальнікам зоны адпачынку ратавальнікі прапанавалі наведаць парк бяспекі «МНС – ЛЭНД», дзе кожны жадаючы мог азнаёміцца з экіпіроўкай пажарных і пажарнай тэхнікай, а таксама набыць каштоўныя веды ў пытаннях бяспекі. Для дзяцей была арганізавана віктарына «Номеры экстраных службаў», у якой удзельнікі маглі даведацца нумары тэлефонаў усіх экстраных службаў Рэспублікі Беларусь, а таксама як правільна дзейнічаць, калі вы трапілі ў бяду. Таксама юныя браслаўчане маглі праверыць свае веды бяспекі разам з настольнай гульнёй «Я ў бяду не патраплю», «Крэсцікі – нулікі», а таксама скласти алгарытм «5 крокаў выратавання».

Для самых смелых і моцных браслаўскія ратавальнікі на базе надуўнога модуля арганізавалі «дымакамеру» з сцэнічным дымам, наведаўшы якую (естэна ў поўным абмундзіраванні), дзеці і іх бацькі павінны знайсці ў дыме два кануса, тым самым навучыцца арыентавацца ў задымленым памяшканні і адчуць сябе сапраўднымі ратавальнікамі.

Вядома, ніхто не пайшоў без падарункаў. Бацькі атрымалі буклеты з напамінам аб дзіцячай бяспецы, а дзеці пакідалі парк бяспекі з выдатным настроем і прыгожай раскраскай!