Лукашэнка: Беларусі і Расіі жыццёва неабходна развіваць адносіны саюзніцтва
"У сучаснай міжнароднай сітуацыі, на фоне напружанай абстаноўкі перш за ўсё на заходніх рубяжах, нам жыццёва неабходна развіваць адносіны саюзніцтва і стратэгічнага партнёрства паміж Беларуссю і Расіяй", - заявіў беларускі лідар.
Аляксандр Лукашэнка падкрэсліў, што геапалітычны расклад аб'ектыўна ставіць перад краінамі задачу быць гатовымі сумесна рэагаваць на любыя выклікі.
Прэзідэнт узгадаў аб пачатку практычнай рэалізацыі дамовы аб гарантыях бяспекі ў рамках Саюзнай дзяржавы, у снежні заступіў на баявое дзяжурства ў Беларусі ракетны комплекс "Арешнік".
"Мы зладжана працуем у знешняй палітыцы. Падпісанне дырэктывы аб узаемнай падтрымцы і супрацоўніцтве ў галіне міжнароднага правасуддзя стане важным крокам па абароне агульных інтарэсаў, непарушнасці міжнароднага права і яго інстытутаў", - адзначыў беларускі лідар.