Лукашэнка ўзгадніў прызначэнні ў кіраўніцтве Віцебскай вобласці і чатырох раёнаў
Кіраўнік дзяржавы ўзгадніў прызначэнне двух намеснікаў старшыні Віцебскага аблвыканкама. Пытаннямі сацыяльнай сферы, кадравай, ідэалагічнай працы, маладзёжнай палітыкі будзе займацца Аляксей Гуйда, пытаннямі будаўніцтва, транспарту, жыллёва-камунальных паслуг — Пётр Белусь.
Новыя кіраўнікі мясцовай вертыкалі ўзгаднены Прэзідэнтам у чатырох раёнах: Алена Бабінская — на пасаду старшыні Браслаўскага райвыканкама, Максім Бакураў — старшыні Глыбокскага райвыканкама, Леанід Мойжык — старшыні Аршанскага райвыканкама, Аляксандр Часнойць — старшыні Варанавіцкага райвыканкама.
Звяртаючыся да новых кіраўнікоў, Аляксандр Лукашэнка падкрэсліў, што ў апошні час дзяржавай удзялялася вялікая ўвага развіццю сельскагаспадарчай сферы, пачынаючы ад канкрэтных пытанняў жывёлагадоўлі, будаўніцтва прафілакторыяў для цялят, эканомікі асобных сельгаспрадпрыемстваў і заканчваючы больш агульнымі пытаннямі правядзення вясновых палявых работ.
«Вы ведаеце, што рабіць. Час не просты. Трэба дзейнічаць, — сказаў Прэзідэнт. — Не забывайце, што вы кіраўнікі. Вы прэзідэнты на гэтым кавалку зямлі — раёне. Дзейнічайце. Не чакайце, што вам хтосьці прыйдзе і нешта зробіць. Прыйдуць, дапамогуць — дзякуй. Але ўсё будзе залежыць ад вас. Таму — толькі наперад».
БелТА