На тэрыторыі Браслаўскага раёна з 3 красавіка па 8 красавіка 2026 года пройдзе спецыяльнае прафілактычнае мерапрыемства «Зялёны шчыт».

МНС інфармуе Мэта мерапрыемства – папярэджанне загаранняў у прыродных экосістэмах і мінімізацыя наступстваў ад іх, зніжэнне фактаў гібелі і траўмавання людзей ад загаранняў, а таксама павышэнне ўзроўню культуры бяспекі жыццядзейнасці сярод насельніцтва.

Работнікі МНС арганізуюць рэйдавыя мерапрыемствы, накіраваныя на выяўленне патэнцыйна пажаранебяспечных участкаў, правядуць прафілактычныя растлумачальныя гутаркі з жыхарамі.

Акрамя гэтага, работнікі раённага аддзела па надзвычайных сітуацыях арганізуюць выступленні ў працоўных калектывах і сельскіх сходах грамадзян. У ходзе сустрэч ратавальнікі нагадаюць персаналу арганізацый і жыхарам пра правілы бяспечнага развядзення вогнішча і спальвання смецця.

Па стане на 03 красавіка 2026 года ў раёне зарэгістравана 10 загаранняў у прыродных экосістэмах.

МНС заклікае выконваць правілы пажарнай бяспекі пры навядзенні парадку на прыдамавой тэрыторыі і зямельных участках. Калі Вы сталі сведкам гарэння сухой расліннасці або іншай надзвычайнай сітуацыі, тэлефануйце па нумарах 101 або 112!

Глядзець усе