Пачатак навучальнага года

У праддвер'і новага навучальнага года пытанні забеспячэння бяспекі набываюць асаблівую значнасць. У гэтай сувязі пракуратура раёна ўзмоцнены нагляд за выкананнем заканадаўства аб бяспецы навучэнцаў.

У 2020/2021 навучальным годзе на тэрыторыі Браслаўскага раёна будуць функцыянаваць 27 навучальных устаноў: гімназія, 3 сярэднія школы, 4 комплексы «яслі-сад-сярэдняя школа», 3 комплексы «яслі-сад-базавая школа», 11 дашкольных устаноў, цэнтр дзяцей і моладзі, цэнтр карэкцыйна-развіваючага навучання і рэабілітацыі, сацыяльна-педагагічны цэнтр, ГУО «Відзоўскі дзяржаўны прафесійна-тэхнічны каледж» і Відзоўскі дзіцячы дом сямейнага тыпу. Планаваны кантынгент навучэнцаў навучальных устаноў агульнай сярэдняй адукацыі – 2346, выхаванцаў дашкольных устаноў – 805.

У мэтах забеспячэння якаснай падрыхтоўкі навучальных устаноў да навучальнага года, распараджэннем старшыні раённага выканаўчага камітэта створана камісія па прыёмцы гатоўнасці навучальных устаноў, у склад якой уключаны: намеснік старшыні райвыканкама, службовыя асобы аддзела па адукацыі і іншыя спецыялісты. У жніўні бягучага года камісія праводзіла праверку ступені гатоўнасці навучальных устаноў раёна да новага навучальнага года.

Згодна з пашпартамі гатоўнасці навучальных устаноў, грубых парушэнняў патрабаванняў заканадаўства аб бяспецы ўстаноўлена не было. Усе навучальныя ўстановы ў Браслаўскім раёне гатовы прыняць навучэнцаў.

У той жа час варта памятаць, што адказнасць за забеспячэнне бяспечных умоў для жыцця і здароўя непаўналетніх ляжыць не толькі на навучальных установах і іншых дзяржаўных органах, але і на законных прадстаўніках, то ёсць бацьках, якія ў сіле закона абавязаны сачыць за паводзінамі сваіх дзяцей у быце.

Намеснік пракурора раёна              С.П. Гарбус