Незаконная міграцыя

Праблема нелегальнай міграцыі ў Рэспубліцы Беларусь абумоўлена яе геаграфічным становішчам. Большасць нелегальных мігрантаў разглядае Рэспубліку Беларусь як транзітную дзяржаву для наступнай нелегальнай эміграцыі ў краіны Еўрапейскага Саюза.

Крымінальны кодэкс Рэспублікі Беларусь прадугледжвае крымінальную адказнасць за наўмыснае нелегальнае перасячэнне Дзяржаўнай мяжы Рэспублікі Беларусь (арт.371), арганізацыю нелегальнай міграцыі (арт.371-1 КК), парушэнне тэрміну забароны ўезду ў Рэспубліку Беларусь (арт.371-2 КК Рэспублікі Беларусь).

Улічваючы размяшчэнне Браслаўскага раёна на мяжы з Літвой і Латвіяй, названыя пытанні не губляюць сваёй актуальнасці на тэрыторыі нашага рэгіёна.

Суд Браслаўскага раёна штогод разглядае крымінальныя справы аб злачынствах, прадугледжаных ч.2 арт.371-1 КК Рэспублікі Беларусь (арганізацыя нелегальнай міграцыі, здзейсненая спосабам, які прадстаўляе небяспеку для жыцця або здароўя замежных грамадзян або асоб без грамадзянства, альбо звязаная з жорсткім або прыніжальным іх годнасць абыходжаннем, альбо здзейсненая паўторна, альбо групай асоб па папярэдняй змове, альбо службовай асобай з выкарыстаннем сваіх службовых паўнамоцтваў).

Так, у 2018 годзе судом раёна да розных тэрмінаў пазбаўлення волі па арт.371-1 КК асуджана 2 асобы, у 2019 годзе – таксама 2 асобы.

Крымінальным кодэксам Рэспублікі Беларусь злачынства, прадугледжанае ч.2 арт.371-1 КК, аднесена да катэгорыі цяжкіх і прадугледжвае пакаранне ў выглядзе пазбаўлення волі на тэрмін да 7 гадоў з штрафам.

Заступнік пракурора раёна                    С.П. Гарбус