Аб мнімай законнасці вырабу моцных алкагольных напіткаў «для асабістага ўжывання». Каментуе старшы ўчастковы інспектар міліцыі Умпіровіч Анатоль Іосіфавіч
Некаторыя грамадзяне, памыляючыся, лічаць, што выраб самагону для асабістых патрэб або ў невялікіх колькасцях, законам не забаронены. Аднак гэта міф.
Артыкулам 13.27 Кодэкса аб адміністрацыйных правапарушэннях устаноўлена адміністрацыйная адказнасць за выраб фізічнымі асобамі моцных алкагольных напіткаў (самагону), паўфабрыкатаў для іх вырабу (брагі), а таксама захоўванне апаратаў, якія выкарыстоўваюцца для іх вырабу. Здзейсненне ўказаных дзеянняў цягне за сабой накладанне на асобу адміністрацыйнага пакарання ў выглядзе штрафу ў памеры да пяці базавых велічынь з канфіскацыяй ўказаных напіткаў, паўфабрыкатаў і апаратаў.
Пры гэтым за паўторнае здзяйсненне ўказаных вышэй дзеянняў на працягу года пасля накладання адміністрацыйнага пакарання за такія ж парушэнні, а таксама выраб фізічнай асобай больш пяці літраў моцных алкагольных напіткаў (самагону), больш трыццаці літраў паўфабрыкатаў для іх вырабу (брагі) або захоўванне больш трыццаці літраў такіх паўфабрыкатаў будзе назначана адміністрацыйнае пакаранне ў выглядзе штрафу ў памеры ад пяці да трыццаці базавых велічынь з канфіскацыяй ўказаных напіткаў, паўфабрыкатаў і апаратаў.
Як відаць з прыведзеных вышэй палажэнняў адміністрацыйнага закона колькасць самагону і брагі ўплывае толькі на кваліфікацыю дзеянняў і памер адміністрацыйнага пакарання.
Акрамя таго, пакаранню падлягае і набыццё моцных алкагольных напіткаў (самагону), за выключэннем тых, продаж якіх дазволены заканадаўствам, а таксама набыццё паўфабрыкатаў для іх вырабу (брагі), за што можа быць накладзена пакаранне ў выглядзе штрафу да пяці базавых величынь з канфіскацыяй ўказаных напіткаў (частка 3 артыкула 13.27 КаАП Рэспублікі Беларусь).
Пад моцнымі алкагольнымі напіткамі (самагоном) для мэтаў адміністрацыйнай адказнасці разумеецца алкагольныя напіткі з аб'ёмнай доляй этанолу 28 і больш адсоткаў, вырабленыя фізічнымі асобамі шляхам закісання сыравіны і наступнай перагонкі.
У цяперашні час набыць абсталяванне, як напрыклад папулярны зараз «дыстылятар бытавы», які можа быць выкарыстаны для вырабу самагону, не складае цяжкасцяў і не забаронена законам. Але не варта забываць пры гэтым, што за захоўванне такіх апаратаў, якія выкарыстоўваюцца «не па прызначэнні», законам прадугледжана адміністрацыйная адказнасць.
Таму, калі ў Вас узнікне думка набыць падобны апарат і заняцца самогоноварэннем, памятайце, што вы рызыкуеце атрымаць штраф з канфіскацыяй самога апарата і вырабленай з яго дапамогай прадукцыі (самагону), і паўфабрыкатаў (брагі).
У 2022 годзе судом Браслаўскага раёна было разгледжана 11 спраў аб адміністрацыйных правапарушэннях, прадугледжаных ст. 13.27 КаАП Рэспублікі Беларусь, якія былі прыцягнуты да адміністрацыйнай адказнасці.
З вышэйсказанага вынікае выснова, што жаданне ўзбагаціцца шляхам вырабу самагону з яго далейшай продажам можа прывесці да значна больш значных фінансавых страт, якія перавышаюць «плануемы заробак», і застацца плямай у біяграфіі…
Таму адказ на пытанне: «Ці можна «гнаць» самогон?» — відавочны: «Не!»
Глядзець усе