Аб выніках праверак патрабаванняў Дырэктывы №1

Дырэктыва Прэзідэнта Рэспублікі Беларусь ад 11.03.2004 №1 «Аб мерах па ўмацаванні грамадскай бяспекі і дысцыпліны» патрабуе забяспечыць безумоўнае выкананне ўсімі кіраўнікамі і работнікамі працоўнай дысцыпліны, абавязвае забяспечваць безумоўнае і неадкладнае разарванне кантрактаў з работнікамі за парушэнне правілаў аховы працы і тэхнікі бяспекі, што прывяло да траўмаў або смерці, за прычыненне дзяржаве, юрыдычным або фізічным асобам маёмаснай шкоды, распіццё спіртных напіткаў у працоўны час або па месцы працы, а з кіраўнікамі – за неналежнае забеспячэнне працоўнай дысцыпліны падначаленых, скрыццё фактаў іх парушэння працоўнай і выканаўчай дысцыпліны, альбо за не прыцягненне вінаватых асоб да адказнасці, усталяванай заканадаўствам.

У красавіку 2016 года пракуратура Браслаўскага раёна сумесна з Браслаўскім РАУС правяла рэйды на прадмет выканання арганізацыямі аграпрамысловага комплексу патрабаванняў Дырэктывы № 1 Прэзідэнта Рэспублікі Беларусь, па выніках якіх устаноўлена, што ва ўсіх сельскагаспадарчых прадпрыемствах падчас сяўбы дапускаліся выпадкі выпуску на лінію транспарту з тэхнічнымі непаладамі, якія пагражаюць бяспецы дарожнага руху, не прайшоўшымі ўстаноўленым парадкам дзяржаўнага тэхнічнага агляду, што магло прывесці да дарожна-транспартных здарэнняў і нанясення матэрыяльнай шкоды прадпрыемству.

Так, найбольшы працэнт непраходжання дзяржаўнага тэхнічнага агляду тэхнікі сярод сельгаспрадпрыемстваў быў зафіксаваны ў КУСП «Відзоўскі» (80 % трактароў і 100 % прычэпаў), ААТ «Бярозавы край» (40 % трактароў і 85 % прычэпаў), ААТ «Браслаўскі райаграсэрвіс» (40 % трактароў і 85 % прычэпаў), КУСП «Браслаўскі» (30 % трактароў і 100 % прычэпаў), ААТ «Слабоцка-агро» (27 % трактароў і 100 % прычэпаў), ААТ «Межаны» (27 % трактароў і 100 % прычэпаў), ААТ «Ольшанка» (17 % трактароў і 100 % прычэпаў).

Акрамя таго, пры правядзенні дзяржаўнага тэхнічнага агляду практычна ва ўсіх гаспадарках раёна з сістэм электраабсталявання трактароў выяўлена 315 запобіжнікаў не заводскага вырабу, у якіх у якасці запобіжнікаў выкарыстоўваліся кавалкі меднай і алюмініевай провада, самарэзкі, шкляныя запобіжнікі ад бытавой тэхнікі, што пры далейшай эксплуатацыі тэхнікі магло прывесці да кароткіх замыканняў электраабсталявання і ўзгарання тэхнікі.

Напрыклад, у КУСП «Відзоўскі» на дзяржаўным уліку знаходзяцца 20 трактароў і 11 прычэпаў. Да дзяржаўнага тэхнічнага агляду прадстаўлена толькі 5 трактароў, у тым ліку адзін трактор Беларус-3022ДЦ, рэгістрацыйны нумар 3622ВВ-2 (трактаріст Кожаневскі Б.Ф.), у якога ў блоку запобіжнікаў на акумулятарнай батарэ стаяў запобіжнік з меднай провадай сячэннем 0,5 мм. Трактор стаяў з-за выхаду з ладу дыстанцыйнага ўключальніка масы (перагарэнне ад кароткага замыкання). Вероятнай прычынай выхаду з ладу выключальніка з'яўляецца менавіта ўказаны запобіжнік. Тэхнічна справнымі прызнаны толькі 4 трактары (20%).

У ААТ «Новая Гвардыя» дзяржаўны тэхнічны агляд прайшло толькі 2 трактары, астатнія трактары да тэхагляду не рыхтаваліся. Медыцынскія аптэчкі і агнетушыцелі ва ўсіх трактарах адсутнічаюць, знешні выгляд іх нездавальняючы. На трактары Беларус–3022ДЦ, рэгістрацыйны нумар 6668ВА-2 (трактаріст Моісееў А.О.) адсутнічае цеплаізаляцыя на выхлапным калектары, адсутнічаюць пярэднія і заднія рабочыя фары, унесены канструктыўныя змены ў схему электрычных праводаў; нягледзячы на гэта, планавалася выкарыстоўваць гэты трактор на палявых работах.

Па выніках рэйдаў пракуратурай раёна начальніку ўпраўлення сельскай гаспадаркі і харчавання райвыканкама ўнесена прадстаўленне аб ліквідацыі парушэнняў указаннага заканадаўства, якое разгледжана, прыняты меры да ліквідацыі адзначаных недахопаў, шэраг службовых асоб КУСП «Відзоўскі», ААТ «Ольшанка», ААТ «Межаны» прыцягнуты да дысцыплінарнай адказнасці. Кіраўнікі КУСП «Браслаўскі», ААТ «Ольшанка», ААТ «Межаны», ААТ «Новая Гвардыя» за неналежны кантроль і падрыхтоўку трактароў і трактарных прычэпаў да штогадовага тэхнічнага агляду ў 2016 годзе прыцягнуты да адміністрацыйнай адказнасці.

Пракурор Браслаўскага раёна                                           Ю.С.Кезік