Чарговы пажар у Браслаўскім раёне

Увечары 7 студзеня выратавальнікам паступіла паведамленне аб пажары жылога дома ў аг. Мяжаны Браслаўскага раёна. Да месца выкліку неадкладна былі адпраўлены пажарныя разлікі.

Па прыбыцці выратавальнікі назіралі адкрытае гарэнне жылога драўлянага дома. У выніку пажару ў доме знішчаны дах, столевае перакрыццё, пашкоджаны сцены і столь. Ніхто не пацярпеў.

Разглядаецца версія прычыны ўзнікнення пажару - парушэнне правілаў эксплуатацыі печаў, цеплагенерацыйных агрэгатаў і прылад.