Астярожна, сосулькі!

Вялікую небяспеку прадстаўляюць і сосулькі на дахах дамоў, бо яны часам падаюць. Угадваць той самы момант, калі сосулька вырашыць, што вісіць ёй ужо надаела, цалкам немагчыма. Глупства думаць, што лёд можа не прычыніць вялікай шкоды.

Памятайце: часцей за ўсё сосулькі ўтвараюцца над водастокамі, таму гэтыя месцы фасадаў дамоў бываюць асабліва небяспечнымі. Іх неабходна абыходзіць бокам. Сачыце за ўважлівасцю і, нават у тым выпадку, калі агароджа побач з будынкам адсутнічае, па магчымасці не падыходзьце блізка да сцен будынкаў.

Калі падчас руху па тратуары вы пачуеце зверху падазроны шум – нельга спыняцца, паднімаць галаву і разглядаць, што там здарылася. Магчыма, гэта сход снегу або лёд. Бегчы ад будынка таксама нельга. Трэба як мага хутчэй прытуліцца да сцяны, навес даху паслужыць укрыццём.

Адзін з фактараў, які перашкаджае ўтварэнню сосулек і сходам снежных мас, – гэта рэгулярнае і своечасовае выдаленне снегу з дахаў. Пры адсутнасці снегу сосулькам проста няма з чаго ўтварацца, а значыць людзі ўнізе – у бяспецы.

Акрамя таго, звяртайце ўвагу на абледзяненне тратуараў. Звычайна больш тоўсты слой наледзі ўтвараецца пад сосулькамі.