Папярэджанне аб гібелі дзяцей ад знешніх прычын

Пракуратурай раёна актывізаваны нагляд за выкананнем заканадаўства, накіраванага на прадухіленне гібелі людзей ад знешніх прычын.

Аналіз статыстычных звестак аб колькасці людзей, якія загінулі ў Віцебскай вобласці ад знешніх прычын, сведчыць аб недастатковасці прымаемых мер па супрацьдзеянні фармаванню неспрыяльных фактараў, якія спрыяюць узнікненню надзвычайных сітуацый. Так, за 5 месяцаў бягучага года ў вадзе патанула 25 чалавек (аналагічны перыяд 2019 года – 19).

Гібелі на вадзе непаўналетніх у бягучым годзе ў Віцебскай вобласці не дапушчана, аднак у 2019 годзе ад патаненняў загінула 5 дзяцей (з 5 выпадкаў 2 адбыліся на возеры і рацэ, 3 – у штучных вадаёмах).

Улічваючы актуальнасць папярэджання гібелі дзяцей ад знешніх прычын, бацькам непаўналетніх варта памятаць, што менавіта на іх у першую чаргу ўскладзена абавязак па забеспячэнні бяспекі сваіх дзяцей. У гэтай сувязі варта выключыць факты знаходжання непаўналетніх у адсутнасць дарослых на вадаёмах, а таксама купанне ў забароненых, спецыяльна не абсталяваных або незнаёмых вадаёмах.

Таксама варта ведаць, што за купанне ў забароненых месцах прадугледжана адміністрацыйная адказнасць па ст.23.63 КаАП Рэспублікі Беларусь, якая прадугледжвае спагнанне ў выглядзе штрафу ў памеры ад адной да трох базавых велічынь.

Заступнік пракурора раёна                            С.П. Гарбус