Прэмія Урада Рэспублікі Беларусь за асаблівыя дасягненні ў розных сферах эканомікі краіны
Пастановай Савета Міністраў ад 28 чэрвеня 2024 г. № 455 «Аб стымуляванні дасягненняў у сферы эканамічнага развіцця» (прыкладанне 1) у Рэспубліцы Беларусь установлены прэміі Урада Рэспублікі Беларусь за асаблівыя дасягненні ў розных сферах эканомікі краіны (далей – прэміі Урада).
Прэміі Урада будуць уручацца з 2025 года.
Штогод на конкурснай аснове будуць прысуджацца па дзве прэміі Урада ў двух намінацыях:
за значны ўклад у развіццё вытворчасці і сферы паслуг;
за дасягненні ў галіне навукі.
Адна прэмія Урада можа быць уручана аднаму чалавеку або калектыву ў колькасці не больш за 6 чалавек. Памер прэміі – 1000 базавых велічынь.
Прэмія Урада за значны ўклад у развіццё вытворчасці і сферы паслуг прысуджаецца за выдатныя вынікі ў галіне кіравання вытворчасцю, забеспячэнне і павышэнне якасці прадукцыі, укараненне новых прагрэсыўных метадаў менеджменту, вытворчасць новых або ўдасканаленых канкурэнтаздольных тавараў (работ, паслуг) пры выкананні агульных і спецыяльных умоў (крытэрыяў).
Прэмію за дасягненні ў галіне навукі будуць уручаць за выкананне НІОК(Т)Р у інтарэсах галінавых арганізацый або для галінавага тэхналагічнага развіцця, якія завяршыліся стварэннем новай навукова-тэхнічнай прадукцыі, асваеннем у вытворчасці высокатэхналагічных экспартаарыентаваных інавацый і выпуском на гэтай аснове новай асвоенай прадукцыі з высокай эканамічнай эфектыўнасцю.
Палажэннем аб прэміях Урада Рэспублікі Беларусь за асаблівыя дасягненні ў розных сферах эканомікі краіны, зацверджаным пастановай Савета Міністраў ад 28 чэрвеня 2024 г. № 455, устаноўлены агульныя і спецыяльныя ўмовы (для канкрэтнай катэгорыі) прысуджэння прэмій Урада, кароткі рэгламент прыкладаецца.
У рамках рэалізацыі функцыі па забеспячэнні каардынацыі працы па ўручэнні прэмій Урада Міністэрствам эканомікі падрыхтаваны Методычныя рэкамендацыі па вылучэнні кандыдатаў на прэміі.