Браслаўскія ратавальнікі прынялі ўдзел у акцыі «Нашы дзеці»
МНС інфармуе
22.01.2026
Марафон дабра пад назвай «Нашы дзеці» працягваецца! У напярэдадні навагодніх святаў работнікі Браслаўскага раённага аддзела па надзвычайных сітуацыях наведалі выхаванцаў цэнтра карэкцыйна-развіваючага навучання Браслаўскага раёна з падарункамі.
Начальнік раённага аддзела па НС Сяргей Крывко павіншаваў дзяцей з надыходзячымі святамі, пажадаў ім здароўя і выканання ўсіх іх жаданняў.
– Новы год – гэта час цудаў, калі кожны дом напаўняецца святлом, радасцю і чаканнем падарункаў. Мы, ратавальнікі, абяцаем вам, што заўсёды будзем побач, каб вы адчувалі сябе ў бяспецы, а вы, нашы маленькія памочнікі, таксама можаце быць героямі – бо менавіта вы нагадваеце дарослым пра правілы, асцярожна гуляеце і клапоціцеся пра сваіх блізкіх, – павіншаваў дзяцей Сяргей Крывко.
Ратавальнікі перадалі выхаванцам цэнтра карысныя гульнявыя наборы для развіцця і адпачынку, і яшчэ раз пацвердзілі, што Новы год – гэта час, калі цуды становяцца рэальнасцю, а клопат і ўвага робяць свет ярчэйшым.