У Славградзе патанула дзяўчынка.

28 ліпеня ў 15:31 мясцовыя жыхары паведамілі ратавальнікам, што ў г. Слаўгарад па вул. Стральцова на возеры (копань) патанула дзіця.

Калі ратавальнікі прыбылі да месца выкліку, на паверхні вады нікога не было, на беразе ляжалі дзіцячыя рэчы. Работнікі МНС выцягнулі з вады дзяўчынку без прыкмет жыцця і перадали медыцынскім работнікам. Пасля правядзення рэанімацыйных мерапрыемстваў лекары канстатавалі смерць дзіцяці.

Патанулая, 2015 года нараджэння, пражывала з сям'ёй у г. Слаўгарад. Як стала вядома, група дзяцей знаходзілася каля вадаёма (неабсталяванага для купання) без суправаджэння дарослых. Калі яна патанула, дзеці пабеглі дадому і расказалі бацькам пра здарэнне. Дарослыя паведамілі пра здарэнне ў МНС.

Праверку па факце патанення праводзіць Слаўгарадскі раённы аддзел Следчага камітэта.

Шаноўныя бацькі!

Гэта ўжо сёмая дзіцячае жыццё, якое абарвалася гэтым летам з-за купання дзіцяці без нагляду дарослых у Рэспубліцы Беларусь.

Не дапускайце падобных трагедый: папярэдзьце дзяцей, што плаваць можна толькі ў спецыяльна абсталяваных месцах, дзе дзяжураць ратавальнікі. Тлумачце дзіцяці, што не варта хваліцца перад сябрамі ўменнем плаваць і праводзіць спаборніцтвы. Дзецьмі адных на вадаём адпускаць катэгарычна нельга. Старайцеся забяспечыць дзецям разнастайны, кантралюемы, а галоўнае бяспечны летні адпачынак. Будзьце асцярожныя на вадзе і беражыце дзяцей!