З клопатам пра людзей з інваліднасцю

У рамках другога этапу рэспубліканскай акцыі «Бяспека – у кожны дом!» работнікі Браслаўскага раённага аддзела па надзвычайных сітуацыях наведалі аддзяленне для пажылых і інвалідаў Браслаўскага тэрытарыяльнага цэнтра сацыяльнага абслугоўвання насельніцтва.

У пачатку сустрэчы ўсім прысутным намеснік начальніка Браслаўскага РАУС Міхаіл Рыкун давёў абстаноўку з пажарамі на тэрыторыі раёна і вобласці і прывёў прыклады пажараў, якія адбыліся ў раёне. Далей, з дапамогай прэзентацыі «Сакрэт бяспекі» ратавальнікі расказалі, як зрабіць бяспечным цяпло свайго дома, правільна эксплуатаваць электрапрыборы, разам разбіралі памылкі ў эксплуатацыі печнага ацяплення. Таксама ратавальнікі нагадаў аб дзеяннях у выпадку ўзнікнення пажару і нумарах выкліку экстраных службаў. Разабралі асноўныя парушэнні правілаў пажарнай бяспекі, якія сустракаюцца ў кватэры. Таксама супрацоўнікі раённага аддзела па НС расказалі аб прыкладанні «МНС Беларусі», параіўшы ўсім яго ўсталяваць, бо мабільны тэлефон ужо даўно стаў неад'емным атрыбутам сучаснага жыцця, і было б вельмі карысна, усталяваўшы гэта прыкладанне, мець у кішэні такога «памочніка».

Асобную ўвагу ратавальнікі ўдзялілі наяўнасці ў доме аўтаномнага пажарнага апавяшчальніка, нагадаўшы ўсім прысутным, што яго неабходна ўсталяваць у кожнай жылой пакоі, а таксама расказалі аб тым, як абслугоўваць АПА, каб ён доўга і надзейна ахоўваў спакой гаспадара дома.