Памер базавай стаўкі для аплаты працы ў бюджэтнай сферы з 1 студзеня 2026 года складзе Br297, падпісана адпаведная пастанова, паведамілі БЕЛТА ў прэс-службе ўрада.
Павышэнне базавай стаўкі прадугледжваецца на 8,8 працэнта (з Br273 да Br297).
У Міністэрстве працы і сацыяльнай абароны дадалі, што ў сувязі з павелічэннем базавай стаўкі вырасце і заработная плата ў бюджэтных арганізацыях. Паколькі да базавай стаўкі прывязаны іншыя стымулюючыя і кампенсуючыя выплаты, то іх памеры з 1 студзеня 2026 года вырастуць адпаведна.
"Прынятае рашэнне дазволіць падтрымаць заработныя платы абсалютна ўсіх катэгорый бюджэтнікаў на ўзроўні вышэй за інфляцыю", - дадалі ў Мінпрацы.
Базавая стаўка павялічыцца ў параўнанні з 1 верасня 2025 года (апошняе павелічэнне базавай стаўкі Br273) - на 8,8 працэнта, а ў параўнанні з 1 студзеня 2025 года (Br271) - на 9,6 працэнта.-0-