Урок бяспекі
Хлопцы не чакалі, але патрапілі на сапраўдны ўрок бяспекі. Хімія, матэматыка, беларуская мова, геаграфія, інфарматыка… І гэта ўсё для вучняў 6 класа. На першы погляд складана, але яны справіліся. З лёгкасцю напісалі сачыненне на тэму першачарговых дзеянняў пры пажары, вырашылі складаныя матэматычныя прыклады, разгадалі самыя галоўныя нумары тэлефонаў для ратавання, а заадно папрактыкаваліся ў выкліку ратавальнікаў, раскрыўшы сакрэт узнікнення пажараў на прыкладзе асаблівага «трохвугольніка», уніклі ў асноўныя прычыны іх узнікнення. На ўроку геаграфіі пабывалі ў краінах, дзе былі вынайдзены прылады і абсталяванне, якія да сённяшняга дня дапамагаюць у супрацьпажарнай справе. Цікавы і насычаны атрымаўся ўрок інфарматыкі. Хлопцам трэба было з дапамогай мабільнага прыкладання МНС Беларусі «Дапамога побач» знайсці выхад з той ці іншай надзвычайнай сітуацыі і аказаць першую дапамогу.
Занятак атрымаўся цікавым і дынамічным. А замест адзнак хлопцы атрымалі не толькі веды аб бяспецы, але і памятныя прызы.