У Браслаўскім раёне гарэў дом: гаспадар-пенсіянер загінуў, яго жонка шпіталізавана.

6 студзеня ў 19:31 ратавальнікам паступіла паведамленне аб пажары дома па вуліцы Даражнай у вёсцы Піртаны Браслаўскага раёна.

Па прыбыцці на месца выкліку падраздзяленняў МНС назіралася адкрытае гарэнне жылога дома. У доме пражывалі муж і жонка-пенсіянеры: жанчына 1960 года нараджэння і мужчына 1954 года нараджэння. На момант узнікнення пажару абодва знаходзіліся ўнутры.

Як высветлілася пазней, жанчына заўважыла загарэнне і спрабавала разбудзіць мужа, аднак з-за моцнага задымлення выбегла на вуліцу, так і не разбудзіўшы яго. Чуть пазней яе агледзелі медыкі, якія прыбылі на месца пажару, і з апёкамі спіны, каля 9% цела шпіталізавалі ў бальніцу.

У ходзе тушэння пажару работнікамі МНС у доме, на падлозе быў знойдзены труп гаспадара дома. Пажар ліквідавалі ратавальнікі, агнём у доме знішчана дах, пашкоджаны столі, сцены і маёмасць.
Па факце пажару праводзіцца праверка, яго прычынай, хутчэй за ўсё, стала неасцярожнае абыходжанне з агнём падчас курэння загінуўшым мужчынам.

МНС нагадвае:

-ні ў якім разе не курце ў ложку, а таксама ўблізу гаручых рэчываў і матэрыялаў; гэтага ж патрабуйце ад наведвальнікаў;
-не пакідайце ў попельніцы непагашаныя курыўкі і спічкі, не кідайце іх у сметніцы і месцы, дзе магчыма ўзгаранне гаручых матэрыялаў;
-не кідайце курыўкі з балконаў або вокнаў. Яны могуць спровакаваць пажар, патрапіўшы на балконы або лоджы ніжэйшых паверхаў, дзе часта захоўваюцца старыя рэчы;
-зачыняйце вокны і дзверы балконаў, выходзячы з кватэры, каб выключыць занос крыніцы загарання ў памяшканне;
-не кідайце непагашаныя цыгарэты ў ніжнія пралёты лесвічнай клеткі.